大頭蝦南風海鮮酒家

營業中

休息中

難得入到東涌梗係要搵啲特別嘢食，係OpenRice見到呢間大頭蝦酒樓，非常之旺，好多人食！我哋兩個人叫咗半隻薑蔥霸王雞，個汁好入味，同埋啲雞好滑，配飯一流。仲叫咗一個黑椒茄子牛仔骨煲，啲牛仔骨冇筋，黑椒調味啱啱好，仲有茄子可以中和下，不錯！蔬菜方面叫咗韭菜花炒鹹肉，好少食韭菜花，配鹹肉都幾岩，重點係好有鑊氣。最後叫咗個蘿蔔炆鱔，蘿蔔好鮮甜，好入味，推薦個鱔，食落啖啖肉，配飯好正。最後梗係唔少得叫啤酒，兩個人食四個餸岩岩好，下次會再叫多啲朋友嚟試多啲餸！