相馬日式火鍋 (已結業)

終於等倒放寬晚市嘅大日子，梗係要陸續約返D朋友食飯啦！舊同事最愛打邊爐！今次我地去食聽左好耐嘅相馬日式火鍋放題！餐廳望落好大，座位勁多，menu主打日式湯底嘅火鍋🍲，限時120分鐘，放題有美國特選級牛肩胛、黑豚肉片、雞腿肉、海鮮等，自助區仲有超～級～多～丸類同蔬菜可以拎！我地揀左中華辣湯同番茄湯，番茄湯好好味，好重番茄味，比較濃郁，中華辣湯則是麻而不嗆、嗆而不辣、溫而不火。揀左湯底之後就可以 掃QR Code 落單，可以瘋狂食埋人氣牛肩胛😋牛肉筋肉比例非常靚❤️肉質軟嫩Q彈，黑豚肉片都好驚喜，份量夠大碟，整體幾滿意🥰另外店員會送上一個大碗比你去自助配料區拎蔬菜同丸丸，我地拎左好多炸豆卜，貪佢可以索哂啲湯汁，尤其係辣湯，特別食得出個分別，菇類經處理過之後好乾淨唔會有泥，客人可以食得安心，打邊爐點少得飲汽水呢，相馬有個大雪櫃放飲品，罐裝汽水同烏龍茶樣樣齊，仲有雪糕櫃可以任食雪糕，120分鐘放題真係大滿足啊