影片
更多
2021-06-19
90 瀏覽
喺旺中行街買衫見到依間nuttea 即刻忍唔住同朋友一人一杯試吓佢😂飲品種類圍繞住堅果 最吸引嘅當然就係堅果奶蓋茶 有營養價值得來又好飲隻豬豬好得意 仲有舖頭名繡左落佢條圍裙度😂始終堅果奶唔及牛奶咁普遍 所以舖頭都有介紹吓堅果奶 素食 健身同埋有乳糖不耐症嘅人士又多一個選擇啦😆我自己好鍾意食朱古力 所以就嗌咗伯爵朱古力堅果奶蓋茶($47) 原來佢之前仲贏咗2019台灣奶茶節金獎 仲要限定每日得一百杯 當然要試吓佢係咪真係咁好飲奶蓋方面好似食緊朱古力忌廉一樣 不過佢係好結身 口感滑順 甜度適中 有好香嘅奶味同埋少少堅果味 伯爵茶嘅味道好香濃 加埋個奶蓋一齊飲簡直係一流!同埋呢杯嘢飲真係好高顏值 影咗好多相先捨得飲😂另一杯就叫咗芒芒堅果奶蓋茶($43) 同樣地影相都係好正 好清晰嘅分層呢一杯我更加鍾意 佢嘅奶蓋係鹹鹹地 比起朱古力奶蓋 佢有更加香嘅堅果味 奶蓋綿滑嘅口感真係做得好出色佢個茶好香芒果味 入面仲要有好多芒果絲 每一啖飲落去唔單止飲到茶嘅香味 仲食到啖啖嘅芒果肉 口感好豐富 夏天飲依杯真係好清爽😆大家拎杯嘢飲走之前記住拎個小匙羹 因為奶蓋真係好厚同結身 舖頭都建議大家食一啖奶蓋
飲品種類圍繞住堅果 最吸引嘅當然就係堅果奶蓋茶 有營養價值得來又好飲
隻豬豬好得意 仲有舖頭名繡左落佢條圍裙度😂
始終堅果奶唔及牛奶咁普遍 所以舖頭都有介紹吓堅果奶 素食 健身同埋有乳糖不耐症嘅人士又多一個選擇啦😆
我自己好鍾意食朱古力 所以就嗌咗伯爵朱古力堅果奶蓋茶($47) 原來佢之前仲贏咗2019台灣奶茶節金獎 仲要限定每日得一百杯 當然要試吓佢係咪真係咁好飲
奶蓋方面好似食緊朱古力忌廉一樣 不過佢係好結身 口感滑順 甜度適中 有好香嘅奶味同埋少少堅果味
伯爵茶嘅味道好香濃 加埋個奶蓋一齊飲簡直係一流!同埋呢杯嘢飲真係好高顏值 影咗好多相先捨得飲😂
另一杯就叫咗芒芒堅果奶蓋茶($43) 同樣地影相都係好正 好清晰嘅分層
呢一杯我更加鍾意 佢嘅奶蓋係鹹鹹地 比起朱古力奶蓋 佢有更加香嘅堅果味 奶蓋綿滑嘅口感真係做得好出色
佢個茶好香芒果味 入面仲要有好多芒果絲 每一啖飲落去唔單止飲到茶嘅香味 仲食到啖啖嘅芒果肉 口感好豐富 夏天飲依杯真係好清爽😆
大家拎杯嘢飲走之前記住拎個小匙羹 因為奶蓋真係好厚同結身 舖頭都建議大家食一啖奶蓋 再慢慢將奶蓋同茶融合一齊飲 咁就可以用同嘅方法品嚐依杯嘢飲☺️
張貼
