八屋 (已結業)

十二點一開門我就即刻到達入座，唔到一點就全場爆滿，之後仲要等位添！真係好受歡迎啊👏🏼現場有不少泰國演員off jumpol嘅相同埋各種裝飾~引來不少fans朝聖！Cafe裝修格局係走暗黑型格路線，仲有一個酒吧吧枱位置～八屋法式西多士$92總共有三件，口感鬆軟，配搭糖漿同埋水果一齊食，口味更豐富！幸福鬆餅（鐵鍋蜂蜜鬆餅）$98呢一款鐵鍋鬆餅係每日限量制作 ，制作需時需要耐心等候～成個鐵鍋咁樣上，千萬要小心唔好掂到嗰邊，鬆餅中間放咗一塊牛油，好快就會比熱力融化！鬆餅熱辣辣，口感濕潤同埋鬆軟，味道有啲似古早味蛋糕🍰宇治抹茶紅豆拿鐵$58採用JAS認証有機宇治抹茶，抹茶味好香濃，又唔會太甜，加埋紅豆簡直係Perfect match。