影片
更多
2021-03-09
1397 瀏覽
一路都冇機會去試，次次都勁多人排隊，終於早兩個月比我試到la。佢有好多台式小食可以任點，同埋配料選擇好多，淨係講丸類都有超過十款。 今次我揀既係美國SRF極黑牛套餐（$208），湯底就揀左鴛鴦湯底，牛大人秘方麻辣鍋同埋牛大人紅燒牛骨鍋。兩款湯底都好濃味，但係我就有啲後悔兩個湯底都揀咁濃味既，一路食落去會感覺有啲太多，應該揀一個濃既湯底，一個清啲既湯底，咁樣會好啲。 呢度既配料好似丸類、菜就係出去出面夾既，但係都仲有好多台式小食同埋肉類係可以坐係個位到用QR code 落單，如果唔想出去攞嘢食，或者驚疫情唔係太衛生既話，可以淨係用QR code 落單，都好多野食揀。 好欣賞呢度既係，呢度落單要既嘢，係真係會比足你，同埋黎得好快，唔會好似一啲其他放題店咁你點10碟佢先攞1碟比你。同埋呢度既牛係真係幾唔錯，唔會太肥，有幾種唔同既牛既位揀。同埋呢度我覺得必點既係鴨血，配埋個麻辣湯底食好正。同埋個人私心覺得炸午餐肉都好好食，雖然放題食午餐肉好似好唔抵🤭仲有好多嘢食都好好食，好似蟹籽墨汁漿、台式蛋餃、竹炭海鮮丸、芋頭貢丸，呢啲都係係其他火鍋放題到冇乜點見過既嘢。同埋黎到呢到一定要食佢地既台式小
好欣賞呢度既係，呢度落單要既嘢，係真係會比足你，同埋黎得好快，唔會好似一啲其他放題店咁你點10碟佢先攞1碟比你。同埋呢度既牛係真係幾唔錯，唔會太肥，有幾種唔同既牛既位揀。同埋呢度我覺得必點既係鴨血，配埋個麻辣湯底食好正。同埋個人私心覺得炸午餐肉都好好食，雖然放題食午餐肉好似好唔抵🤭
仲有好多嘢食都好好食，好似蟹籽墨汁漿、台式蛋餃、竹炭海鮮丸、芋頭貢丸，呢啲都係係其他火鍋放題到冇乜點見過既嘢。同埋黎到呢到一定要食佢地既台式小食，好似鹽酥雞、肉燥飯、甜不辣、小香腸，款款都好味。雖然係放題，但係呢啲小食既質素絕對高過放題既水準。特別鍾意佢既鹽酥雞，唔會太乾，雖然稱唔上好好食，但係以放題黎講，已經算係好高質。
係呢度一路烚下烚下，一路飲佢地既茶，感覺冇咁肥膩。我試左佢地既桂花烏龍，好好，唔甜，清清地，中和翻打邊爐既油膩。 個人覺得牛大人係真係好食既，同埋個質素絕對對得住個價錢。
張貼
