滷友記 (加路連山道) (已結業)

今日同朋友一齊交收完，經過加路連山道嘅老友記，見到好多人喺度排隊，於是趁熱鬧嘅我哋都排埋一份😆見到餐廳用木托盤盛菜非常之鍾意😍等位嗰陣真係好期待快啲入去食呀，等咗大概10分鐘⏰就有位啦！✌🏻✌🏻👃🏻香噴噴既《台式酥炸雞扒飯$59》-好有台灣夜市風味🌃，未食已經聞到嗰陣酥炸雞扒香味令到人流晒口水💦咬落去酥脆可口，啲飯仲好軟熟香甜添😚☝🏻首次嘗試《炸秋葵$30》-平時食秋葵乾就食得多，第一次食炸秋葵😮，原來係咁香咁爽脆，仲保留少少水份，同秋葵乾既口感有少許唔同👍🏻🍛足料《溏心蛋肉燥飯$54》-超級鐘意佢既肉燥除左肉碎仲有腩肉粒😍邪惡得嚟又好好味😝仲有溏心蛋流黃好正，撈埋肉燥飯食不得了！🍗味道濃郁《滷水雞翼$35》-雞翼大大隻，滷水汁濃郁香口😋😋，大啖大啖咬，肉質又嫩滑，唔會實的的👍🏻食完後更明白到小店人氣高企既原因🙌🏻，好味到慾罷不能👐🏻！