饞。台式食堂 (如心廣場二期) (已結業)

人氣台式小店荃灣一向有好多唔同嘅食肆，尤其是荃灣西，因為好方便，又近西鐵站，連珠幾個大商場，如心廣場就係其中一個，如心廣場入面有一間台式小店經常好多人排隊，今日放大假，中午時間唔使排隊，即刻衝入去試試！店面雖然唔係好大，裝修簡單整潔，所有客人都要量體溫先可以進入，而且裝有好多透明甲板，可以安心食，餐牌種類選擇好多，總有一樣啱食。紅燒燉牛腩便當台式牛腩一直都非常出名，所以食台式野一定要點呢一個，果然不負所望，非常好食。牛腩炆得非常之林，而且好入味，牛肉味好濃，口感一流，配菜都不負所望，八蘿蔔好入味。唔好睇小過開胃前菜，非常之好味，問店員，原來呢一個開胃前菜係自家醃製，喺第二間舖頭係冇機會食到，淨係為咗呢一個前菜，都值得去食。台灣腸不嬲都非常鍾意食台灣腸，外面層皮好正，味道鹹得來又帶甜，肉質口感都好好食，所以一直都非常鍾意食台灣腸。竽香珍珠奶茶竽香味好香，珍珠好QQ，特登叫咗少甜，奶味都好香，唔錯。估唔到呢一間台灣餐廳會有驚喜，餐廳食物質素好好，而且食物都好地道，大家要來試試。