東園金閣海鮮酒家 (已結業)

校長親我食晏，灣仔必首選依間，因為貪我係公務員有九折（唔知點解佢要特別優待公僕，或者佢覺得我人多勢眾係主要客源卦）。點心方面佢款式比較多，花款有亦都幾新穎，味道普遍講都幾好。服務同環境都不俗，最緊要係有螢幕電視睇午間新聞，如果一樓無位可以再上三樓碰運氣，通常都會有位，但當然訂就包穩陣。缺點方面，由於依間酒樓要上樓，一般人都會坐升降機，但部機超慢，我通常都寧願行側邊後樓梯上。而正所謂一分錢一分貨，依度價錢亦比同區酒樓略貴。