地址：尖沙咀加連威老道27-27A號嘉榮大廈地下及1樓
乳豬今日想同大家講少少人生觀，做人呢有GoodDay 但有時都會有BadDay 平淡時就MamaDay 囉，無他既，做人梗係有高有低，會開心同傷心既。如果你都係會有唔開心既時候，不妨食餐好啲既令自己或者你身邊既人開心返吖😁😁
今日帶大家到一間餐廳—GoodDay BadDay Mamaday 食下野吖～～Hope u have a good day!!!😜😜😎😎
炸魷魚圈🦑
頭盤先來一盤魷魚圈止下肚餓先，魷魚圈一放上桌就聞到強烈油炸味，知道一定熱辣辣新鮮炸起，然後點一下沙律醫再放入口，外皮薄脆內𥚃肉厚及實，口感足夠，送脾酒絕配！！
乳豬指數：🐷🐷🐷🐷🐷🐷🐷🐷🐷
渾身是海膽🦐虎蝦Pizza🍕
相信大家食pizza次數 一定唔會少，乳豬都係pizza 狂熱粉絲，但乳豬真係未食過原舊海膽同原隻虎蝦製成既pizza ，賣相驚喜唔在講，原舊海膽同蝦都係有手指公咁大同埋厚嫁，貨真價實，而且邊皮做都到相當香脆，一咬落去油同汁都流哂出黎，相當大滿足！！🤗🤗
乳豬指數：🐷🐷🐷🐷🐷🐷🐷🐷🐷🐷
🪿鵝肝槓上肝菌飯講十次🪿
呢個飯其實係一個意大利飯配上松露、牛肝菌同埋鵝肝做成，鵝肝有兩塊，個飯香氣撲鼻，鵝肝煎成金黃但不會太焦香，入口有即溶感覺，個飯配上白汁有甜味得來有少許酸，不是非常膩，整個份量夠四人食，每啖飯都差不多食到牛肝菌及松露👍👍👍
乳豬指數：🐷🐷🐷🐷🐷🐷🐷🐷🐷🐷
🍫73.5%朱古力最好味
🥤你今日飲左益力多柚子沙冰未呀？
飲品方面就有☕️凍朱古力咖啡同埋益力多柚子沙冰🍧
咖啡賣相非常漂亮，打卡一流，有一塊仔既朱古力🍫，飲落去每啖都有碎朱古力食到，唔太甜因為朱古力係73.5%，推薦！！😉😉
乳豬指數：🐷🐷🐷🐷🐷🐷🐷🐷
沙冰就因為有益力多跟柚子，飲落酸甜相當醒胃，可以去油解膩，相當好飲😚😚
乳豬指數：🐷🐷🐷🐷🐷🐷🐷🐷
