登堂 (已結業)

發現附近有半 buffet，當然要去試下……不過估唔到全個場好似得兩個人做嘢咁，其他人係行行企企嘅。我食 dinner 果日唔 full，但係我企係入口等咗10分鐘都無人應過我，咁算啦！坐低揀好餐，我足足叫咗15分鐘，期間行行企企嘅職員唔少，每個都係悠閒經過我身邊講句“落單等等”。直到我忍唔住出去食住 buffet 先，諗住一路食一路等叫 main course 落單。結果我食到第三碟，期間我仲有 keep 住四圍望及揮手示意，先終於有人落問我要咩。最最最厲害係，我個 main course 係45分鐘後先到，我連 buffet 甜品都食埋啦！真心質素一般，絕對唔高質，但價錢都可以接受，一分錢一分貨啦！但最令我驚嘆佢哋嘅工作態度係，有個類似高級少又或者係老闆之一嘅人，著住便服嘅嚟幫我幫單，用個單夾攝住我張信用咭就一路揮下揮下同人吹水，吹咗一大輪先再施施然行埋櫃枱碌卡埋單，全程我係一直追蹤住佢，我真係驚佢飛咗我張咭唔知去邊。食物值得一提係翡翠螺，老闆真係要研究下，攞咗幾次，3隻中必定至少有1隻係食唔到嘅，根本無法撩到出嚟。青口又係唔少係閉口開唔到嘅。而全場最好味嘅係咖哩魚旦及凍蝦，沙律菜