明記腸粉 (已結業)

寒流襲港，想食啲簡簡單單、又暖笠笠嘅小食，但係又唔想企喺街邊，突然諗起呢間出名食腸粉嘅老字號小店。星期日差唔多食晏時間，又加埋限聚令，雖然唔算太多人，但係都已經坐滿咗個場。除咗腸粉之外，仲有魚蛋、燒賣、豬皮、皮瘦肉粥、炒麵等地度小食😋😋一坐低，就聽到不停有人叫＂一個三色＂、＂再嚟腸蛋＂等暗語，明顯都係街坊街里熟客仔，感覺好親切。當餐晏仔食，叫咗一個腸皮（腸粉豬皮）同皮蛋瘦肉粥。最值得一讚嘅當然係佢嘅馳名腸粉，食落有米香、爽滑、層次分明，仲要所有醬汁同埋芝麻都係比客人自己落，想食健康啲又得😇😇想邪惡啲又得😈😈 豬皮夠爽，皮蛋瘦雖然用料較碎，但勝在夠熱夠米香，夾埋腸皮一齊食啱啱好，簡簡單單又一餐😋😋