塩玉居酒屋 (已結業)

今日老公帶左我去銅鑼灣登龍街永光中心嘅塩玉居酒屋開餐，我地7點左右去到，未算多人，不過見到好多張枱都已經預約左，7點之後客人陸續到餐廳，店員對每一枱食客，無論係熟客或walkin招呼都好熱情，店內環境好熱鬧，好有日本居酒屋感覺。餐牌上食物款式都好多，不過仲有其他時令同餐廳特別推介嘅菜色冇寫係入面，店員推介我地食佢地嘅鎮店之寶和牛雲丹同黑松露白身魚薄切，我地另外加多兩客壽司、一個湯同烏冬，兩個人應該好夠食。 甘酢溫室車厘茄 前菜嘅溫室車厘茄好香甜多汁, 有少少梅嘅味道，酸酸甜甜，餐前食呢個非常醒胃。黑松露白身魚薄切 店員介紹呢款白身魚會係每日採購到嘅空運刺身揀選去製作，今日嘅白身魚係牛鰍呢款時令魚，味道好鮮甜，加上黑松露卷埋一齊食，味道層次更加豐富。原條海鰻壽司 我好鍾意食鰻魚，呢款海鰻壽司嘅海鰻又大件又肥美，非常惹味。松葉蟹腳壽司 松葉蟹腳勁鮮甜，松葉蟹腳刺身加上蟹膏，每一啖都食到香濃嘅松葉蟹鮮美味道。茶壺海鮮湯 茶壺湯湯底好清，海鮮味好突出，用小杯飲用，感覺好特別。鎮店之寶店員推介嘅鎮店之寶真係好出色，和牛軟腍油脂飽滿，加上鮮甜海膽，味道唔錯。豚肉稻庭烏冬 稻庭烏冬好滑而且掛湯，豚肉