鴻記茶檔

營業中

休息中

等咗差不多兩年先重新開返嘅海防道熟食中心，見到有傳單已經開始營業，仲有時間就即刻去食返個早餐。由於當日只有3檔營養，由花檔入口行入街市，一入到熟食中心就見到肥哥哥好客地招呼，3檔都所沒有食客，咁見到老闆同以前一樣咁落力介紹，都係幫襯熟悉檔口穩陣。以$31一個餐嚟講係抵嘅，仲要湯底好夠味，奶茶都剛好唔會太濃，同埋好滑☕️。最有誠意嘅係所有茶杯，餐具，枱櫈都新嘅，坐得舒服，又有乾淨杯碗筷！老闆仲一邊食一邊同我講佢這2年裝修期間，上咗船做水手，當日仲著咗水手裝開檔😄 新開返仲改埋名由「仁利」變成而家嘅「鴻記」。之後第二日中午再同幾個同事一齊去食，叫咗牛腩雲吞麵，加埋秘制辣椒油，好好味😋。另外有些就叫炒河，亦有鑊氣，下次我都想試下。