北海道活壽司 (已結業)

響旺角朗豪睇完戲，行出嚟又落大雨，所以就拿拿聲走落去間“北海道活壽司”，落到去無咩人，得十個人左右，我哋一坐低就叫咗好多嘢食，但所有刺身壽司全部即整的，而且唔會一次過嚟哂。。我哋嗌咗什錦刺身+廣島蠔刺身+活螺肉刺身+三文魚腩刺身。。。好鮮味，完全無雪味，廣島蠔勁甜，我哋要encore多兩隻。。三文魚腩又林又滑，無雪味，正! 我哋又嗌咗盤特惠三文魚壽司，有10件。。都係45蚊咋。。超抵。。都係即制嘅。。又嗌咗啲熟食，熟食就一般啦，不過不失。。我哋嗌咗清酒，全程有侍應服侍，不需自己動手加酒，good!