影片
更多
2020-06-09
78 瀏覽
相信近排都冇人番到鄉下去日本旅行，我真係好掛住日本嘅美食！冇得去旅行，唯有同閨蜜食住Omakase 頂住先當自己去左日本嘅餐廳！入到去真係覺得好似去左旅行咁Relax，周圍嘅座位好闊落，仲要有一個大螢幕播放住日本postcard級嘅靚景相，配埋背景柔和舒服嘅音樂，呢種享受正正係我呢排最缺乏嘅嘢！我同閨密唯一需要揀嘅就係邊款Omakase，其他內容係完全唔使諗，真係啱晒我呢啲有選擇困難症嘅人！我哋決定揀錦·上，另外師傅會貼心問你有冇咩食物敏感！嗌完就好期待師傅可以比我味蕾一個驚喜🔥愛侶魚刺身第一道登場嘅係愛侶魚刺身，愛侶魚就咁食會比較淡味，但係點左師傅嘅酸汁就令到平淡嘅愛侶魚變得有驚喜！🔥北海道帆立貝刺身大大舊嘅帆立貝一咬入口啖啖肉，好新鮮！另配上內蒙古岩鹽，輕輕一點更提鮮！🔥仙鳳趾生蠔呢個另外加錢嘅仙鳳趾生蠔係日本有「海中牛奶」嘅美譽，果然名不虛傳，食落口感嫰滑，味道鮮甜濃郁！🔥醬油漬赤身平時食吞拿魚壽司就食得多，原來用醬油醃製嘅赤身成為漬物係咁好食！醬油咸甜適中，赤身肉質軟冧，口感不錯！師傳建議點少少wasabi食更好！🔥大拖羅兩片大拖羅係成條吞拿魚油脂比例最高嘅地方，師傅一d都唔吝
我同閨密唯一需要揀嘅就係邊款Omakase，其他內容係完全唔使諗，真係啱晒我呢啲有選擇困難症嘅人！我哋決定揀錦·上，另外師傅會貼心問你有冇咩食物敏感！嗌完就好期待師傅可以比我味蕾一個驚喜
🔥愛侶魚刺身
第一道登場嘅係愛侶魚刺身，愛侶魚就咁食會比較淡味，但係點左師傅嘅酸汁就令到平淡嘅愛侶魚變得有驚喜！
🔥北海道帆立貝刺身
大大舊嘅帆立貝一咬入口啖啖肉，好新鮮！另配上內蒙古岩鹽，輕輕一點更提鮮！
🔥仙鳳趾生蠔
呢個另外加錢嘅仙鳳趾生蠔係日本有「海中牛奶」嘅美譽，果然名不虛傳，食落口感嫰滑，味道鮮甜濃郁！
🔥醬油漬赤身
平時食吞拿魚壽司就食得多，原來用醬油醃製嘅赤身成為漬物係咁好食！醬油咸甜適中，赤身肉質軟冧，口感不錯！師傳建議點少少wasabi食更好！
🔥大拖羅
兩片大拖羅係成條吞拿魚油脂比例最高嘅地方，師傅一d都唔吝嗇，大大塊嘅大拖羅送上面前，入口即化，完全feel到拖羅係口中溶化嘅一𣊬間，好想呢一刻可以停留耐d！
🔥時令螢光魷魚
螢光魷魚細細條一口一條，食落幾有鮮味，仲有點黏口嘅感覺，肉身都幾爽口！
🔥熊本水果蕃茄
水果蕃茄同普通蕃茄大有不同，水果蕃茄糖份高而且蕃茄味濃郁，果肉堅硬結實，一咬落去水份爆出黎！食左咁多肉類再食一個水果解一解油膩感真係不錯，十分欣賞師傅呢個安排！
🔥甘鯛立鱗燒
魚鱗張開豎立，口感酥香脆卜卜，魚肉柔嫰細滑，鮮味無比，配上薑芽同梅醬，酸酸地嘅味道帶黎衝激，令魚肉有另一番風味！呢道菜做得出色！
🔥（左上起）深海池魚壽司、赤貝壽司、輕燒金目鯛、輕燒醋鯖魚、輕燒大拖羅
一連五舊壽司，用料新鮮，全部都大大塊肉配上師傅即場手握嘅飯！令我印象最深刻嘅係赤貝壽司！平日去食壽司係絕對不會叫貝類壽司嚟食，但係呢度嘅赤貝壽司完全令我感到驚喜！肉質厚身嘅赤貝原來可以咁爽口咁好食！
🔥海膽手卷
一口海膽手卷食落口感覺好幸福，成個口都被滿滿新鮮濃郁嘅海膽包圍，十分creamy！
🔥立魚湯
立魚湯用上新鮮立魚去熬製，味道鮮甜，飲落仲有立魚肉食下，食左咁多生冷嘅刺身壽司，係需要飲番碗熱湯暖下胃！
🔥哈密瓜
最後仲有北海道哈密瓜為我地嘅Omakase畫上完美的句號！食一啖呢個哈密瓜就勾起我當年今日去北海道旅行嘅美好回憶！
張貼
