影片
更多
2022-10-28
30 瀏覽
估唔到係上環依個地段可以唔洗過千就食到主打純正日本和牛同西日料理既優質Full Course Dinner!餐廳瀰漫住寧靜舒適既氛圍, 雲石枱同大象灰色調有種高級格調, 設有席前BAR枱可以同廚師交流。以宮寒梅梅酒黎迎接今晚既料理就最適合不過, 吟醸香加上完熟米味, 岩我口味。8 courses自家漬大根薄片大根入口清爽開胃, 適合係course與course之間食一片, 即時refresh口腔。海膽刺身多士馬糞海膽新鮮甘甜, 配上鬆脆多士, 中意佢既左紫蘇葉入口多左獨特既香氣, 味道好豐富。大分縣鯖魚沙律清淡帶奶香水牛芝士同蕃茄一向絕配, 加入煙燻過既鯖魚, 就好似畫龍點睛咁,層次即時提升。三文魚子約克郡布丁好特別, 約克郡布丁入面係明太子mousse, 再鋪上滿瀉既三文魚籽, 三文魚籽用清油漬過, 同時食到鮮味加酒香。美味同儀態, 我揀美味, 成件一啖過擺入口, 最享受到多層次既口感同味道。A5日本和牛比起完全入口即溶既和牛, 我更中意帶有少少咬感, 依份和牛鮮嫩多汁, 有入口即溶既牛脂亦有肉既口感, 配wasabi食其實好夾, 入口好滿足! 另外配角既蔬菜都係日本貨, 秋葵嫩而冇
餐廳瀰漫住寧靜舒適既氛圍, 雲石枱同大象灰色調有種高級格調, 設有席前BAR枱可以同廚師交流。
以宮寒梅梅酒黎迎接今晚既料理就最適合不過, 吟醸香加上完熟米味, 岩我口味。
8 courses
自家漬大根
薄片大根入口清爽開胃, 適合係course與course之間食一片, 即時refresh口腔。
海膽刺身多士
馬糞海膽新鮮甘甜, 配上鬆脆多士, 中意佢既左紫蘇葉入口多左獨特既香氣, 味道好豐富。
大分縣鯖魚沙律
清淡帶奶香水牛芝士同蕃茄一向絕配, 加入煙燻過既鯖魚, 就好似畫龍點睛咁,層次即時提升。
三文魚子約克郡布丁
好特別, 約克郡布丁入面係明太子mousse, 再鋪上滿瀉既三文魚籽, 三文魚籽用清油漬過, 同時食到鮮味加酒香。美味同儀態, 我揀美味, 成件一啖過擺入口, 最享受到多層次既口感同味道。
A5日本和牛
比起完全入口即溶既和牛, 我更中意帶有少少咬感, 依份和牛鮮嫩多汁, 有入口即溶既牛脂亦有肉既口感, 配wasabi食其實好夾, 入口好滿足! 另外配角既蔬菜都係日本貨, 秋葵嫩而冇渣。
銀鱈魚釜飯
一人一份釜飯, 熱滕滕係面前開蓋, 即刻聞到好香! 銀鱈魚好滑魚油味重, 高湯同舞茸煮成既飯粒粒分明, 香氣撲鼻, 底下仲有金黃飯焦, 依個飯真係極出色!
開心果雪糕配梅酒
開心果雪糕伴開心果碎, 雙重享受唔會過於甜膩, 配埋梅酒, 醉人滿足。
張貼
