影片
更多
2017-08-10
300 瀏覽
今日同好姊妹黎到九龍城呢到覓食九龍城真係一個美食天堂，除左出名既泰國菜之外，今日食既日式烤肉店牛石料理都好有驚喜。餐廳出面有啲缸養左好多生猛海鮮。餐廳環境都幾闊落，坐卡位就可以舒舒服服慢慢嘆啦！店員首先同我地介紹個重量級海膽丼同埋鱈場蟹丼望落咁吸引一於兩個都試哂啦。一上枱果然真係重量級，黃橙色既韓國海膽多到一層層咁鋪係飯面，目測多過一板，雖然碗飯唔大，但主角多就好啦。海膽creamy得黎有啲口感！完全唔腥所以一定係幾新鮮，再甜多啲就更好啦，撈飯食或者拎塊紫菜包住黎食都唔錯喲，仲有一層係吞拿魚腩碎，都好香滑。另外個蟹丼都好高呀！有爽口既蟹籽，同埋鱈場蟹啖啖肉，好鮮甜呀，不過食落係暖暖地咁，如果蟹肉可以凍食應該會更鮮甜～黎呢到點可以唔食燒肉呢！我地叫左個牛石盛合，店員同我地介紹啲醬汁用黎點肉食，分別有青豆汁、芝麻汁同燒汁！等個爐預熱9分鐘就可以開始燒啦。呢到既燒爐係用麥飯石，個盛合有幾個木牌仔寫清楚啲肉既種類，夠哂清晰。店員建議我地燒左熊本白豚腩先，因為油脂較多，可以令個燒板有啲油無咁易燒到痴底。白豚腩好香好重豬味！燒到啲邊位微焦好香口！熊本白豚西冷都重豬味，比頭先個腩位更有咬口。鹿兒島健
今日同好姊妹黎到九龍城呢到覓食九龍城真係一個美食天堂，除左出名既泰國菜之外，今日食既日式烤肉店牛石料理都好有驚喜。
餐廳出面有啲缸養左好多生猛海鮮。
餐廳環境都幾闊落，坐卡位就可以舒舒服服慢慢嘆啦！
店員首先同我地介紹個重量級海膽丼同埋鱈場蟹丼望落咁吸引一於兩個都試哂啦。
一上枱果然真係重量級，黃橙色既韓國海膽多到一層層咁鋪係飯面，目測多過一板，雖然碗飯唔大，但主角多就好啦。
海膽creamy得黎有啲口感！完全唔腥所以一定係幾新鮮，再甜多啲就更好啦，撈飯食或者拎塊紫菜包住黎食都唔錯喲，仲有一層係吞拿魚腩碎，都好香滑。
另外個蟹丼都好高呀！有爽口既蟹籽，同埋鱈場蟹啖啖肉，好鮮甜呀，不過食落係暖暖地咁，如果蟹肉可以凍食應該會更鮮甜～
黎呢到點可以唔食燒肉呢！我地叫左個牛石盛合，店員同我地介紹啲醬汁用黎點肉食，分別有青豆汁、芝麻汁同燒汁！等個爐預熱9分鐘就可以開始燒啦。
呢到既燒爐係用麥飯石，個盛合有幾個木牌仔寫清楚啲肉既種類，夠哂清晰。
店員建議我地燒左熊本白豚腩先，因為油脂較多，可以令個燒板有啲油無咁易燒到痴底。白豚腩好香好重豬味！燒到啲邊位微焦好香口！熊本白豚西冷都重豬味，比頭先個腩位更有咬口。鹿兒島健康咲雞幾唔錯👍🏻，時啲雞會好乾同孩口，但呢個係有肉汁又滑，牛肉粒就普通啲，有少少韌，不過勝在肉味夠重。牛小排有咬口同埋算幾淋。極上牛舌好正！我兩邊燒好幾秒，等佢微微粉紅就夾起食，真係好爽口呀！朋友仔平時唔食牛舌都中意！澳洲霜降和牛肉味重，好香好有咬口，而我最愛既日本佐賀和牛就相對脂肪比例多啲，食落口啲油脂好香，有入口即溶好軟滑既效果！
我地仲叫多左個蟹味噌甲羅燒！
大大個蟹蓋，燒好左入面既蟹膏同蟹肉，加埋碗白飯入個蟹蓋撈黎食！哇！好鮮甜好驚喜呀！每啖都係大滿足！
最後食埋個雞蛋布甸做ending就perfect啦！
間唔中豪食下開心下同朋友仔傾下計咁又過左個滿足既晚上啦！
張貼
