奈雪の茶 (已結業)

平日乘坐山頂纜車到山頂一日遊，大熱天時下，山頂廣埸地下有間<奈雪之茶>，見有珍珠奶茶類飲品及雪榚，環境亦幾靚，便坐下來休息一下。<黑芝麻雪糕 $12>呢個黑芝麻雪糕喺山頂廣場呢個location竟然賣12蚊，簡直係仲抵食過M記，二話不說立即俾錢落order，小朋友同大人食雪糕，當然超級開心。黑芝麻雪糕的黑芝麻味道極重極濃郁，而且吾會過甜，配埋朱古力味嘅雪糕脆筒，感覺誠意十足，非常好味!!~<凍頂寶藏茶 $33>味道其實像是台式珍珠奶茶，珍珠非常彈牙，但珍珠唔算好大粒，茶同奶嘅味道都算平均,但唔算非常濃郁,佢比珍珠奶茶特別嘅地方係，上面有cream，同埋有一啲脆脆嘅粒粒，入口感覺多點層次和實在感。餐廳環境優雅，價錢吾貴，而且味道水準不錯，值得一試。