寢宮

營業中

休息中

尖沙咀一帶有好多bar，但我地兩個女仔想揀啲靜啲嘅地方飲杯野。發覺呢間寢宮就幾好，空間大，裝修有設計感，令人坐得好放鬆同自在，仲有勁多打卡味比我地影相。唔似其他酒吧太細間，坐得好逼，同隔離啲人都好近，令人覺得好混亂好壓抑。睇Menu先發現佢呢度都有好多嘢食，唔係一間齋係飲嘢嘅地方，酒類飲品和食物都好多選擇，賣相都好精緻。我地一人叫做一杯嘢，因為食完飯先嚟，所以就無叫到嘢食，可以下次再嚟試下。特別要一提嘅係呢杯Flower market，真係靚到少女心都跳出嚟啦！會從淺藍色變成紫色，真係好靚！我地又瘋狂影相。飲落甜甜地，幾易入口，好岩女仔飲。其實之前係唔鐘意飲酒，但係唔知點解慢慢就開始鐘意間唔中約出嚟小酌一杯，透過酒杯去看世界，個人會放鬆啲。幾鐘意呢間寢宮嘅氛圍，下次會再嚟試下啲嘢食。