肉料理とワインCARVING (已結業)

日本既廚師發板同鐵板燒都食過,但從未食過以肉為主題,又做到好精緻既料理。呢度都好high class下,燈光非常有感覺,食物既相同自拍人像都好靚。飲用係係樽裝貴價水,好滑。呢度只有一個set dinner menu,有成8道菜,每道都好精緻。第一道係和牛他他、帆立貝同鮑魚,以刺身為主,三者好夾,係好特別既前菜。跟住係阿根廷海蝦,有lobster汁,蝦膏都好多下。個碟好靚,令我諗起海水。牛舌都做得好出色,而且試到3種口味。牛骨髓經過調味,加蛋同和牛燉肉拌飯(北海道七星米),非常易下飯,超好食,好驚喜。三文魚約克布甸都好特別,仲加埋粉粉分明既鮭魚子食,好正。甘鯛立鱗燒炸到好香脆,連d鱗都可以食,跟蕃茄莎莎,味道一流。漬物五點都好開胃,北海道牛好好食,肥瘦分明。配菜係燒粟米,好甜呀!最後甜品係石榴酒巴巴蛋糕,仲有雪糕,雪糕同酒交融,好味!青瓜yogurt都好創新。