影片
更多
2020-06-12
3383 瀏覽
今日難得約到我嘅小美人出嚟聚吓，梗係要揀間靚餐廳啦！間餐廳嘅中文名叫五感六覺，我相信佢啲嘢食全部都色香味俱全，可以滿足晒你所有感官。呢間餐廳地下嘅裝修已經好有格調，一嚟到嘅時候都覺得呢間餐廳應該會幾chill下。整到你每一張枱都有個小屏風隔住咁，令你可以私隱度高少少咁暢所欲言。飲嘢之前我哋嗌咗少少嘢食，首先係呢個五感六覺壽司拼盤。佢每一件壽司都好精緻，係呢度嘅日本師傅手握出嚟，而每片魚生好新鮮。另外我地仲嗌左個鱈魚扒，呢個鱈魚扒啖啖肉，啲肉好滑，帶有少少酒香味，值得一試。小食方面我哋就帶咗兩隻生蠔，呢個一上嘅時候我已經覺得好靚，因為佢一個擺盤好精緻，同埋佢除咗洗乾淨之外仲會幫你起埋肉，等你食得絕對有儀態。而且隻蠔都好大隻，佢個海水味唔會太濃，口感偏向爽身，食落比較清甜啲。醫飽完個肚，重點就嚟啦。呢度啲cocktail全部都好靚，無論係賣相定係氣味，喺你飲之前都已經滿足左你先。我自己揀咗呢一杯「松」，呢一杯以voka做底，但係調較得岩岩好，唔會好啃，味道帶小小酸，聞落好香玫瑰花味，另外佢加左啲金粉，令杯酒好似銀河咁，真係好靚。小美人嗌左杯late Autumn，呢杯係mocktail，聞
呢間餐廳地下嘅裝修已經好有格調，一嚟到嘅時候都覺得呢間餐廳應該會幾chill下。
整到你每一張枱都有個小屏風隔住咁，令你可以私隱度高少少咁暢所欲言。
飲嘢之前我哋嗌咗少少嘢食，首先係呢個五感六覺壽司拼盤。佢每一件壽司都好精緻，係呢度嘅日本師傅手握出嚟，而每片魚生好新鮮。
另外我地仲嗌左個鱈魚扒，呢個鱈魚扒啖啖肉，啲肉好滑，帶有少少酒香味，值得一試。
小食方面我哋就帶咗兩隻生蠔，呢個一上嘅時候我已經覺得好靚，因為佢一個擺盤好精緻，同埋佢除咗洗乾淨之外仲會幫你起埋肉，等你食得絕對有儀態。
而且隻蠔都好大隻，佢個海水味唔會太濃，口感偏向爽身，食落比較清甜啲。
醫飽完個肚，重點就嚟啦。呢度啲cocktail全部都好靚，無論係賣相定係氣味，喺你飲之前都已經滿足左你先。
我自己揀咗呢一杯「松」，呢一杯以voka做底，但係調較得岩岩好，唔會好啃，味道帶小小酸，聞落好香玫瑰花味，另外佢加左啲金粉，令杯酒好似銀河咁，真係好靚。
小美人嗌左杯late Autumn，呢杯係mocktail，聞落好香好甜，帶有小小木薰味，啲泡泡都有咁多重嘅味道，真係好吸引。除左乾果之外，佢最引人注目嘅係中間嘅士多啤梨玫瑰花，用士多啤梨汁整成嘅冰，你一邊飲，佢一邊溶就會散發出更多士多啤梨，會更甜，就好似秋天漸漸走向有士多啤梨嘅季節咁。
張貼
