LA FAMILLE

營業中

休息中

每次經過「La Famille」，都見到好多好精緻嘅戚風蛋糕，唔同口味嘅蛋糕五顏六色相當吸引，適逢情人節無得出街食飯，就決定買返幾個蛋糕同老婆在家慶祝。榛果炭燒咖啡 : 蛋糕好鬆軟，有淡淡咖啡香味，味道唔會太甜，面頭有榛子及咖啡味忌廉，配埋朱古力脆波食，味道好夾。班蘭飄香 :蛋糕上有班蘭葉形狀嘅朱古力及覆盆子，食落好香班蘭味，好味道。日本白桃 :粉紅色既戚風蛋糕，面頭鋪上日本白桃，賣相好吸引； 清甜嘅白桃配上鬆軟蛋糕，感覺甜而清新。日本日向夏蜜柑 :鋪滿日本蜜柑嘅蛋糕，賣相非常有陽光氣息；蜜柑好新鮮，入口時戚風蛋糕吸收左蜜柑果汁，配上蛋糕中間嘅檸檬慕絲，酸酸甜甜好開胃。眼闊肚窄下，真係唔可以食到太多款，下次有機會真係要試下其他味道。