影片
更多
2023-07-23
371 瀏覽
前兩日行過兆萬， 有人派傳單， 二百零蚊一個自助餐，嗰時差唔多六點佢仲話 有95折， 所以就試下新嘢， 上到去 第一轉每人可以叫一次海膽／生蠔， 魚生係任食嘅， 飲品種類都多， 檸檬可樂呢個係驚喜， 我哋兩個人，一個食海膽一個食生蠔， 生蠔好ok大大隻 脹卜卜又鮮甜， 海膽 就 細細粒， 認真唔夠喉㗎， 但冇計兩樣嘢只能叫一次， 一分錢一分貨， (計埋加一都三百幾 )吾好預計咁多嘢食， 質素嚟講就麻麻地， 麻辣牛柏葉我係expect凍凍地嗰啲 麻辣汁 ， 點知原來係白灼牛柏葉跟住熱辣辣嘅麻辣汁淋上面, 咁我都欣賞佢即order即做嘅， 另外 d蜆仔 細細粒， 但係完全冇味， i mean完全冇 鮮味， 好奇怪，雪藏又唔似， 另外「叫咗牛柳粒， 因為 筋 部分 比較多， 啲汁怪怪哋， 叫咗壽喜燒都唔錯嘅， 叫咗啲壽司手捲， 食完都 飽曬， 甜品都有少少， 仲有幾款唔同種類嘅雪糕， 不過movenpick and Haagen Dazs你就吾好唸，對比 大喜屋依家真係爭少少， 但係大喜屋依家加到成四百蚊一位， 平平地嘅任食， 都可以選擇嘅， 我哋走嘅時候呢度都坐到滿曬人
張貼
