Marco's buffet (已結業)

同屋企人平平地去食自助餐，上網見到這間Marco’s buffet價錢便宜，長者每位減$40優惠，平均百多二百元就可以食到晚市自助餐，認真超值。沙律配料有多款，沙律菜、薯仔沙律、雜菜沙律等等，還有幾款醬汁，我自己就比較喜歡黑醋汁，酸酸甜甜勁開胃。前菜都以小碟盛載，包括煙三文魚、日式小食、煙鴨胸等，三文魚味道鮮甜帶點薰香。壽司只有幾款，三文魚、蝦、鰻魚等，會輪住出。即開生蠔無限量供應，生蠔雖然不太大隻，但幾肥美及飽滿，而且鮮甜creamy，絕對有驚喜，所以整晚人龍不絕。熱薰方面有十多款，還會轉款，燒牛肉、乳豬、炒芥蘭、咕嚕雞等等，味道中規中矩，反而芥蘭苗炒得翠綠又爽脆。薄餅就比較硬及不夠熱，味道麻麻。甜品有芝士蛋糕、tiramisu、和果子、啫喱及西瓜，芝士蛋糕幼滑，芝士味濃郁，餅底又薄，是最好味。整體食物質素不錯，款式當然不能媲美尖沙咀貴價buffet，但二百蚊有此質素確實不錯。