和民平時都要等位，但呢間做放題又唔使喎，入到去d座位都幾闊落，比起其他放題黎講呢一點係幾好。
坐低見張張檯都係食長腳蟹同刺身，我地都當然唔執輸叫左呢兩樣野先
蟹腳都幾大條，而且非常鮮美，刺身上檯都好大盤砌得幾靚，同我地嗌既份量一樣
之後當然再encore
食左一輪就開始叫返d熟食，有天婦羅、炸野、串燒o個d
仲有我地平時食和民必叫的焗芝士年糕!
其實我覺得茶碗蒸同炒麵都好好食，不過無影到相。
仲有火鍋，冬天可以滾下滾下。
和牛係好好食，好肥，食落好似日式燒肉隻味，不過如果再切厚d會仲好😆😆
上網見到話呢度有任食HaagenDazs，我一個人食左4杯，其實都抵返曬。哈哈
仲有其他甜品同飲品都係任食。
Overall我覺得比起其他放題算係好唔錯，始終價值唔貴，但有和牛同蟹同HaagenDazs都算係咁。
