哈豆

營業中

休息中

觀塘區工廈入面嘅餐廳其實有好多都試過一次就唔會再去，但係呢間台灣野令到我印象非常深刻，原來佢都開咗分店，不過今次都係經過成業大廈所以入去食個快飯。記得佢上次食嘅牛肉麵麵質唔錯嘅，今次想食番麵但係佢賣晒所以唯有叫米粉啦，今次呢個係算川味麻辣拌米粉，個辣異常地好食，好想買一樽返屋企不過冇啦，米粉亦好吸汁，一啖又一啖停唔到。配鹽酥雞同台灣香腸，鹽酥雞非常出色，炸粉唔會太厚而且肉嘅鹹味啱啱好，得四粒真係唔夠喉，台灣香腸唔使講啦一定好食。肉操飯配滷水小食，加埋花枝丸同埋公園，花枝丸好好食，有真嘅花枝粒係入面值得推介。配埋個菜同埋兩杯嘢飲，呢度嘅奶茶係好濃奶香嗰種，加仙草真係I hi am，令一個叫咗芝麻奶茶，芝麻味都香嘅不過我叫咗半糖，應該再甜少少就會更加好啦。