大家樂 (已結業)

老豆想食火鍋,但為左遷就呀媽,就去馬鞍山食...因為係星期六的七點半,呢度多人到...由於大部份的人都係食火鍋,所以等左好耐先有位...要左兩隻火鍋船+冰薄荷忌廉梳打,都幾大隻,足料,新鮮...有粟米,冬菇,肥牛,生菜,白菜,牛丸,魚蛋,豆腐,南瓜,冬瓜,豬肉,雞肉,墨魚,蝦,魚麵,米線,腸仔...多到唔記得左...豬骨湯底...粟米夠甜,魚蛋彈牙,蝦ok,魚麵飽肚,但米線還是淋淋...但當其中一隻火鍋船比我地食左四份三的時候...一條好大條菜蟲在米線上面爬行,於是呀媽攞條菜蟲比個職員睇,要求換過d米線同埋d菜...條菜蟲大到連個職員都驚佢...於是佢即刻入去換過個,為表歉意,換左成隻完整的火鍋船我地,仲狂道歉"唔好意思..."講左好多次...於是我地多左隻火鍋船食,所以食完,三個人都好飽...明白菜蟲係常有的,但有菜蟲出現即表現佢洗菜洗得唔乾淨,所以要扣分...好彩食完之後冇肚痛...