燈籠滷味 (登龍街) (已結業)

二刷長龍台菜燈籠滷味！呢間永遠都係咁多人排隊等位，事關真係幾抵食，今次再去發現多咗個二人餐，套餐內容有個二人份嘅大雜燴冬粉，餸料有：豬耳朵、雞胗、雞翅膀、甜不辣、百頁豆腐、高麗菜、木耳、白蘿蔔、當中最鐘意甜不辣同百頁豆腐、之前有朋友話佢哋過鹹，當晚食就覺得其實可以再濃味啲lol 除咗大碗麵套餐仲包兩杯嘢飲同一客蘋果鹽酥雞，炸物正常發揮係夾埋蘋果片食先過癮.不過講到鎮店之寶一定係佢哋個滷肉飯，滷汁超香濃肥膏同肉量都好多唔會有食白飯嘅情況，個人覺得如果唔鐘意佢哋啲滷味都一定要去試下個滷肉飯，簡係被滷味耽誤嘅滷肉飯店，如果將來佢哋會出大碗版滷肉飯就正了