阿詩瑪雲南風味軒 (已搬遷) 新店位置

好耐冇去阿詩瑪食雲南o野啦... 曾幾何時, 我同Honey個個禮拜都會去食, 可能食得多食嫌咗, 又或者係唔鐘意佢裝修後嘅食物同服務同環境... 呢幾日天氣好悶熱, 冇咩胃口, Honey提議去阿詩瑪食酸辣米線... 時間尚早, 仲有卡位, 正!!! 唔想唸, Order咗二人餐... 前菜青瓜好好味, 花生都好味...烤夫拼茄子--好好味呀D茄子, 不過醋過多, 太酸, 如果小D醋就Perfect喇! 烤夫都好味!山珍氣鍋雞--OK吖! 櫻桃椒爆花枝片--覺得係XO醬炒咁, 花枝片都好新鮮!糖醋里脊--好味喎, 似咕嚕肉, 但啖啖肉!酸辣雜醬米線--必吃Item! 好味!套餐甜品--有涼粉同玫瑰湯圓揀... 涼粉口感似蒟蒻, 佢落咗D糖漿, 甜甜地, 幾好味... 玫瑰湯圓有酒味, 清清地, 都OK... 坦白講, 服務就唔好Expect啦, 我地食完好耐, 清晒枱, 等人問我地要咩甜品, 等咗好耐都冇人問, 要自己主動問, 餐廳當時又唔係多人... 經理長期同一個客打牙骹, 打咗半粒鐘都有... 其他侍應都好似中學生咁, 完全Feel唔到佢地有工作經驗...