影片
更多
2019-02-18
745 瀏覽
食放題一直只去大喜屋，旺角創興以至尖沙嘴三間店都食過，幫襯左幾年，偶爾放題癮起，就Book大喜屋，本是Fans一枚。上周六（2月16日）與友人去科學館睇完鐘錶珍寶展之後，途經「殿、大喜屋」，友人話未食過呢間最高級別的大喜屋，一於Walk-in去等位。我地二人排No.2，等左15分鐘，前台就叫3號，兩個男仔入左去，隨即1號籌過去查詢，話未到佢地，因為佢地要6人枱，我地諗，可能3號並非二人枱，至會入座先。卒之好有耐性咁又等左30分鐘，當時已經9:45pm，有二人枱的客去前台問仲要等幾耐，此時即獲安排佢地入座，而佢地張飛竟然是6號。我地即刻上前問：「點解6號有二人枱，我地仲未有？半個鐘前3號都有2個人入左去！」個前台小姐即刻好大聲咁鎮壓住我地：「宜家比你入先！」（等多左半個鐘啊！）「都話宜家你地先！」人多擁擠，周末人多，我地可以包容、理解，只是覺得呢種「人治」的入座編排過於落後。坐低之後，order左幾張紙，除左凍海鮮上得比較快，壽司等左半個鐘，熱葷竟然一個鐘先至上枱，此時亦已遞張單叫我地埋單，而且要準時11:15收枱，我地仲天真咁以為入座後限食2小時。卒之，食左兩round凍海鮮，一rou
上周六（2月16日）與友人去科學館睇完鐘錶珍寶展之後，途經「殿、大喜屋」，友人話未食過呢間最高級別的大喜屋，一於Walk-in去等位。
我地二人排No.2，等左15分鐘，前台就叫3號，兩個男仔入左去，隨即1號籌過去查詢，話未到佢地，因為佢地要6人枱，我地諗，可能3號並非二人枱，至會入座先。卒之好有耐性咁又等左30分鐘，當時已經9:45pm，有二人枱的客去前台問仲要等幾耐，此時即獲安排佢地入座，而佢地張飛竟然是6號。我地即刻上前問：「點解6號有二人枱，我地仲未有？半個鐘前3號都有2個人入左去！」個前台小姐即刻好大聲咁鎮壓住我地：「宜家比你入先！」（等多左半個鐘啊！）「都話宜家你地先！」
人多擁擠，周末人多，我地可以包容、理解，只是覺得呢種「人治」的入座編排過於落後。坐低之後，order左幾張紙，除左凍海鮮上得比較快，壽司等左半個鐘，熱葷竟然一個鐘先至上枱，此時亦已遞張單叫我地埋單，而且要準時11:15收枱，我地仲天真咁以為入座後限食2小時。卒之，食左兩round凍海鮮，一round熱葷，連甜品、雪糕都未食已經離座。
算，八五折宵夜價，一定有伏，當買個教訓。但故事仲未完。當晚、周日、以至周一，日瀉兩回，以為自己體質承受唔到凍海鮮啦，今日鼓起勇氣text友人，連佢呢d酒店海鮮自助餐常客，都出現同樣的輕瀉情況，同是連瀉三日矣！
在此問句，有無人同是2月16日周六宵夜時段食過殿大喜屋有類似輕瀉情況？
張貼
