影片
更多
2013-02-03
295 瀏覽
朋友的女兒快將出世，加上有人專業考試合格，商議找個地方開幾支酒坐得舒舒服服慶祝下。約好了有半打人之後，就有人提出不如一齊試下呢度烤全羊腿，於是上個月就落定訂，今晚開開心心見下面。土瓜灣宜家真係好多好野食，呢間野晒北帝街近馬坑涌道，好多巴士係附近都有站，落車行幾分鐘。不過土瓜灣D路橫街多，如果唔係好熟路，最好先係 google map規劃一下路線。搭的士九龍車應該會識路，不過北帝街係單程路，要轉來轉去，你有準備開定 map帶路。大漠係路既左手邊，個招牌都好大個，唔難見到。舖面唔算大，裝潢都好大漠風情，牆上掛坐香料和圖形毛毯。檯凳都係木造，坐得唔算鬆動不過舒服。一入去起初感覺同上次去西環間巴依餐廳有少少似，不過巴依牆上係壁布版貼住A4紙上有菜式名，普通中式茶餐廳碗碟，似中學飯堂，呢度就整體感覺統一D，細節上有心思。檯上仲有個好精緻既兩層盒，用黎裝孜然粉同香辣粉，鍾意食濃味D，可以隨便加。個餐牌其實都好夾好有大漠風情。食濃味既羊，最夾都係飲啤酒，香檳也可以，不過餐牌上有幾款紅白酒供應，價錢相當合理，話說老闆係愛酒之人，餐牌上D酒基本上係係成本價，而且係啱飲既年份。如果你想試下紅白酒，可以請老
土瓜灣宜家真係好多好野食，呢間野晒北帝街近馬坑涌道，好多巴士係附近都有站，落車行幾分鐘。不過土瓜灣D路橫街多，如果唔係好熟路，最好先係 google map規劃一下路線。搭的士九龍車應該會識路，不過北帝街係單程路，要轉來轉去，你有準備開定 map帶路。大漠係路既左手邊，個招牌都好大個，唔難見到。
舖面唔算大，裝潢都好大漠風情，牆上掛坐香料和圖形毛毯。檯凳都係木造，坐得唔算鬆動不過舒服。一入去起初感覺同上次去西環間巴依餐廳有少少似，不過巴依牆上係壁布版貼住A4紙上有菜式名，普通中式茶餐廳碗碟，似中學飯堂，呢度就整體感覺統一D，細節上有心思。檯上仲有個好精緻既兩層盒，用黎裝孜然粉同香辣粉，鍾意食濃味D，可以隨便加。
個餐牌其實都好夾好有大漠風情。食濃味既羊，最夾都係飲啤酒，香檳也可以，不過餐牌上有幾款紅白酒供應，價錢相當合理，話說老闆係愛酒之人，餐牌上D酒基本上係係成本價，而且係啱飲既年份。如果你想試下紅白酒，可以請老闆推介下。我地就自攜酒水，有個朋友係熟客，老闆都冇收開瓶費。
因為未齊人，先有一個脆片佐酒。冇影相。
雜錦串燒雞牛羊：加入了多種香料，味道非常濃郁，其實我好怕羶，所以呢度D半啱我，minimal 羶味，但係都會食得出牛同羊既分別，因為肉質唔同，各有各好味
羊肉崩沙腩：一定要試！同一般既牛肉崩沙腩好唔同，炆得啱啱好，有口感又唔會太韌，香而滑，肥瘦適中唔會太油，仲有D大白菜吸晒D味，好正！
燒鴨胸：因為有紅酒嘛，扮下法式，真係羊有羊味，鴨有鴨味，肉汁鮮嫩，唔會柴皮，而且師傅刀功非常好，起初以為係一舊個，原來切好一片片，係一口鴨，口口好味
烤全羊腿：全晚焦點，講明至少兩日前預訂，仲要指明起菜時間，師傅話凍左唔好食，真係好認真。個伙計攞隻羊腿上檯時，真係嘩一聲，好靚好大隻，不過點食呀？原本佢係俾我地睇下個樣影張相再拎返入去切，感覺好似去北京樓食片皮鴨。呢度菜一定要試，烤得好香好滑，一食就知唔係本地羊，肉身彈牙，香料同肉混為一體。試左一舊冇點醬，已經好入味好好食，可以點埋香料醬，有D似咖啡不過唔係印度咖啡，可以再提昇個味。不過起碼要有六七個人食，真係好飽好滿足。
燒魚塊：其實已經好飽，係盲曹，師傅好有心思，食落似紅燒，有咬口。
紫椰菜：因為有女士想食番D菜，幾好味
羊奶凍：起初以為係北海道牛奶布丁，一食，嘩，味道好濃好香，唔係一般牛奶可比，甜道適中，作為甜品，實在是美妙的總結
題外話/補充資料：
食羊又怕羶的人就不可錯過，真係 minimal羶，但係你知係食緊羊
(以上食評乃用戶個人意見 , 並不代表OpenRice之觀點。)
張貼
