影片
更多
2013-08-21
243 瀏覽
今日，無心插柳，誤打誤撞下去了新開的沙霸越南餐廳吃午餐。一切全歸咎於老爹貪新之故﹗結果，一肚子怒氣及無奈……甫出電梯，餐廳門口裝潢頗有越南風情，有幾幅越南少女的畫像，色彩繽紛鮮艷，紅中帶綠，營造出舒適悠閒溫暖之感。殊不知，金玉其外，敗絮其中﹗枱與枱之間極為擠迫 ，寸步難行。負責傳菜收拾的哥哥仔waiters雞手鴨腳，手忙腳亂，連續上錯菜，驚慌失措，可笑。廚房運作欠佳，上菜效率極慢，小妹點的午市套餐越式香茅豬扒飯要稍候二十分鐘先有，阿叔點的越式走地雞飯更要半小時先上枱，可氣。然而，我們已叫幸運。右手邊兩位姐姐仔一早叫左兩個香茅雞翼飯，尚欠一個，不斷催單，遲遲未有，負責落單的waiters叔叔敷衍了事。因太多客人催單，無暇應付了。姐姐仔超黑臉，半小時內， 催完又催，我哋差不多走人，佢先有得食。左手邊對夫婦更慘，叫左款午市套餐以外的食物，比我哋早到，我哋走人，佢哋仲等咁。 越式香茅豬扒飯配三色冰 $62香茅豬扒香口又入味且夠新鮮夠熱，不錯﹗米唔多靚、d飯就偏淋左，毫無口感可言；墊底生菜不太新鮮，醬汁欠奉。三色冰甜度適中，夠冰凍，椰汁味不算濃烈；三色啫喱條好韌，毫無QQ口感。越式走地雞飯配熱檸
甫出電梯，餐廳門口裝潢頗有越南風情，有幾幅越南少女的畫像，色彩繽紛鮮艷，紅中帶綠，營造出舒適悠閒溫暖之感。殊不知，金玉其外，敗絮其中﹗
枱與枱之間極為擠迫 ，寸步難行。負責傳菜收拾的哥哥仔waiters雞手鴨腳，手忙腳亂，連續上錯菜，驚慌失措，可笑。廚房運作欠佳，上菜效率極慢，小妹點的午市套餐越式香茅豬扒飯要稍候二十分鐘先有，阿叔點的越式走地雞飯更要半小時先上枱，可氣。然而，我們已叫幸運。右手邊兩位姐姐仔一早叫左兩個香茅雞翼飯，尚欠一個，不斷催單，遲遲未有，負責落單的waiters叔叔敷衍了事。因太多客人催單，無暇應付了。姐姐仔超黑臉，半小時內， 催完又催，我哋差不多走人，佢先有得食。左手邊對夫婦更慘，叫左款午市套餐以外的食物，比我哋早到，我哋走人，佢哋仲等咁。
越式香茅豬扒飯配三色冰 $62香茅豬扒香口又入味且夠新鮮夠熱，不錯﹗米唔多靚、d飯就偏淋左，毫無口感可言；墊底生菜不太新鮮，醬汁欠奉。三色冰甜度適中，夠冰凍，椰汁味不算濃烈；三色啫喱條好韌，毫無QQ口感。
越式走地雞飯配熱檸茶 $65走地雞凍冷冷、肉質偏嚡、唔夠入味，最離譜是海南雞沒有醬汁附上蘸上，味道較坊間海南雞飯遜色不少。黃色飯質感好過白飯，但無味囉﹗碟底d菜又老又不新鮮。熱檸茶裡有濃濃的薄荷味，雖叫特別，但入口後頓時感到怪怪的，未能接受。
老爹年老唔慣飲凍飲，原打算加錢轉飲咖啡，但侍應拒絕，表示午市超值套餐只可選越式珍多冰、三色冰或熱檸茶喎﹗唉，變通一下也不會，點做生意的﹗我們走時，門口勁多人排隊。嘿嘿…你哋試過就會後悔﹗咁亂的運作、咁差的服務、咁慢的效率，配上一般的食物水準，不值得嚐試囉。
張貼
