富記粥品 (已結業)

喺旺角行到累，見倒富記，記起食評都多人讚，見有位，就入去試下，裝修比較舊式，但尚算乾淨。望見隔離枱嘅义燒飯半肥瘦幾靚，但自己又想食切雞，於是叫左碟义雞脾飯，碟飯黎到望落都ok幾多义燒，跟住伙記攞埋張單放喺枱，一望之下，嚇左一跳！98元！一碟雞脾飯都係55元，义燒飯44元，双拼竟然98元！咁我不如叫兩碟！即問伙記，佢話checkcheck，跟住話㩒機出單，部機喺出呢個價錢，冇收錯架！我話有冇搞錯，唔通部機出1000元我都要俾！佢即刻走開冇再理我，其他伙記亦冇再行近我果邊，當時真係好無助，因為碟飯已經出左，而我亦唔想嘈，唯有照食，但已經食之無味，98元碟飯唔係貴，但俾人呃係條氣就好唔順囉！一間禁耐歷史嘅老店，喺旺角可以做倒禁耐，原來就係用呢啲手法賺遊客錢，難為我呢個香港人都上當……