影片
更多
2019-08-05
918 瀏覽
地球進化史數埋都有幾十億年，由睇唔到既細胞都可以變左幾層樓高既恐龍出黎，所以你話進化真係有無限既可能性。試問邊個會估到一間食肉專門店竟然進化到有素食先得架！？就好似一隻草食獸同一隻食肉獸互相戀上咁禁斷。無聊誇張既開場白之後，其實講緊既係今次被掃既「牛角」。係呀，就係果間好出名既燒肉店！係呀。話說有次行過呢間牛角，靈光乍現，手痕一睇個menu，「你見到咩呀？」「有…有……素…食！？」明明唔係7月14日，但個感覺就好似見到鬼一樣！竟然發現有素食，重要係近期好hit既「新豬肉」。咁既情況，我地當然即刻入閘試佢一試啦！因為menu得呢兩個素餐，諗食咩所需時間係０。1) 膳良豬拉麵家食2) 未來漢堡扒、味噌膳良豬青瓜定食等緊既期間，介紹下個殼先。地方唔算大，不過亦唔係逼，裝修都唔錯，尚算有特色，亦唔會好大陣燒肉味。好行咁介紹左個殼之後，即刻睇睇第一位佳麗先！當然，同張預想圖有出入就一定架啦，味道係點先係正題。一試啖湯，嘩～～清．新．脫．俗！咁既形容係有啲誇張，不過真係好清，食唔慣啖口野既朋友仔應該覺得唔夠味，但我就好鍾意。而啲菇類就中規中矩啦。不過重點係膳良豬至真！就咁睇個樣真係同普通攪碎左既豬
試問邊個會估到一間食肉專門店竟然進化到有素食先得架！？就好似一隻草食獸同一隻食肉獸互相戀上咁禁斷。
無聊誇張既開場白之後，其實講緊既係今次被掃既「牛角」。
係呀，就係果間好出名既燒肉店！係呀。
話說有次行過呢間牛角，靈光乍現，手痕一睇個menu，
「你見到咩呀？」「有…有……素…食！？」
明明唔係7月14日，但個感覺就好似見到鬼一樣！
竟然發現有素食，重要係近期好hit既「新豬肉」。
咁既情況，我地當然即刻入閘試佢一試啦！
因為menu得呢兩個素餐，諗食咩所需時間係０。
1) 膳良豬拉麵家食
2) 未來漢堡扒、味噌膳良豬青瓜定食
等緊既期間，介紹下個殼先。
地方唔算大，不過亦唔係逼，裝修都唔錯，尚算有特色，亦唔會好大陣燒肉味。好行咁介紹左個殼之後，
即刻睇睇第一位佳麗先！
膳良豬拉麵家食
$65
35 瀏覽
0 讚好
0 留言
一試啖湯，嘩～～清．新．脫．俗！
咁既形容係有啲誇張，不過真係好清，食唔慣啖口野既朋友仔應該覺得唔夠味，但我就好鍾意。
而啲菇類就中規中矩啦。
不過重點係膳良豬至真！
就咁睇個樣真係同普通攪碎左既豬肉冇分別，its magic！口感其實都好似，而味道亦係偏向啖口。
係一間主要食燒肉（油較多味較濃）既食店入面，
呢味可以算係被香氣飄逸既玫瑰花群包圍既一條清新小野草！
登登登登！跟住萬眾期待既未來漢堡扒定食都出場喇！
未來漢堡扒、味噌膳良豬青瓜定食
$98
28 瀏覽
0 讚好
0 留言
首先麵豉湯，唔係常見淺黃色果隻味噌，而係透明較清果隻，nice！
跟住係杯烏龍茶…
「喂！」
「ok，我都唔浪費時間喇！」
味噌膳良豬青瓜
29 瀏覽
0 讚好
0 留言
用左上面提到既「攪碎」膳良豬肉加上味噌真係幾香口，
作為前菜或side disk都唔錯，nice！
然後主角當然係塊未來漢堡！
講真，初頭以為係佢會整好出黎，點知原來係要自己燒既。
估唔到唔叫燒肉都係有得玩，YEAH！
但問題黎喇：「我地都未燒過素漢堡，點先為之得呀！？」不過就係因為未試過所以先有挑戰性，先好玩！
所謂天才就係「99%的才能加上1%的努力」，而我地就係岩岩相反。
最後
都唔錯啦～一定熟哂（基本要求）而且外皮少少脆咁，味道ok，口感比較軟，所以食落就唔係話好似，不過賣相就真係好真！
同樣係新豬肉，之後係green common食果個，不論個樣同口感都好似真豬肉。
順帶一提，個餐跟左3種汁：
分別係燒烤汁、麻醬同芥末醬，各有各好味，讚！好！食完！不過故事並未完結。
由於份量真係唔多，所以我地另外叫左一款隱藏素飯，同時亦係牛角既名物！
佢就係～
牛角飯 (紫菜飯)
22 瀏覽
0 讚好
0 留言
新鮮紫菜絲乾身又脆，加上鹽粒，真係好好食！
而我地更加出埋「大技」：
就係將佢放入頭先個拉麵碗湯到，就好似食雜炊咁！呢種食法真心推薦比大家試下，真係好正！
呀…嗯…講講下好似變左呢個先係主角咁添…
總結：
如果以一個試食既心態去食，的確係有啲驚喜，不過可能因為份量問題，
要加埋個牛角飯先滿足到。
味道都算好味，而服務亦不錯，唯一最大問題可能係感覺「貴」，
成百蚊（請原諒我地呢啲小市民…）呢個餐真係難講物有所值。
anyway，以後同啲食肉獸出去食飯又多個選擇喇！
張貼
