極尚大喜屋

營業中

休息中

今日情人節老公話唔想嘥錢俾人劏！於是去雅蘭中心新開嘅極尚大喜屋試吓，由於喺網上訂位，所以唔使等就可以直接入座，仲安排咗卡位俾我哋，佢哋新裝修大咗同光猛咗，而且嘅價錢冇特別加價，感覺經濟好多！佢哋有個新Menu多咗好多唔同食物包括左：金湯慢煮吉品乾鮑配花膠，川燒珍寶燒蠔、魚子醬北海道帶子、鹽燒牛舌、燒乳鴿等等好，仲有西京燒比目魚同埋唔同嘅刺身，刺身都係算新鮮我哋叫咗馬刀貝、螺肉、帶子、北寄貝同埋蟹腳拼盤。出面有唔同嘅飲品：汽水、花茶或者珍珠奶茶，有熱食同🦐，甜品方面有三種唔同嘅軟雪糕，我試過巨峰提子雪糕幾好味，另外仲有Häagen-Dazs嘅三款雪糕杯，限時兩個鐘比較食得有啲趕，間唔中都有一兩款漏咗，但係整體嚟講上菜速度算快，性價比高下次可以再去食過！