朝花夕拾 (已結業)

喜愛乾花系列既我🌸見到門口就忍唔住點都要試下! 我地晚上時間光顧 雖然無人排隊 但都因為客滿未有得即時入座😣但店員好好 幫我地登記電話 仲講大概等幾耐到 到時仲會打電話黎提我地有位😍所以我地都可以行住街黎等😊好貼心啊! 餐廳唔算大 但裡面環境真係完全我杯茶🤤🤤🤤店員每黎一樣野食或野飲都會同我地解釋下食用方法 好似呢杯蘋果花茶 隔離就配左個蜜糖 萬一我地覺得唔夠甜就可以落落杯茶到 仲提我地如果怕杯茶焗太耐變太濃的話 可以成個茶葉拎起佢👍🏼我地叫左饅魚飯同 桂花糖炸雞! 饅魚飯一般 比較普通! 桂花糖炸雞就好驚喜 好好味🤤可能本身鍾意食炸同甜既野 所以佢地加埋一齊真係好正🙊仲有唔小得就係呢個櫻花水信玄餅🌸配黑糖味道還好 視覺一流📷整體黎講 價格真係比較高 但環境食物都唔錯 而且餐牌裡面仲有野想試 所以都會再黎幫襯🙋🏻哈哈