一品軒宴會廳 (已結業)

我鍾意食中國菜，所以出街多數都會做去酒樓食飯。今日就嚟咗依間一品軒食晚飯，見到佢原來做緊好多晚飯嘅優惠喎，包括依款熱石醬烤脆皮乳豬！依個脆皮乳豬上枱嘅時候，夠晒氣勢啊！乳豬上碟時整齊咁鋪左係熱石上邊，令到乳豬均勻受熱，乳豬皮果真無比脆皮，咬落去卜卜聲，非常過癮！而乳豬肉就夠晒鮮嫩，可以算得上係外脆內軟！另外我地亦叫咗片皮鴨，依味片皮鴨，油香肉嫩，食落齒頰留香！而大葱、青瓜、甜麵醬都安排恰當，餅皮厚薄適中，連蒸籠盛載上檯，美觀又保溫。而鴨身我地選擇咗用涼瓜炆，依碟涼瓜炆鴨，份量十足，而涼瓜清爽無苦澀味，鴨身食落仍然係啖啖肉！見到隔離檯食蒸氣火鍋，睇落都幾新鮮，而且價錢亦相宜，有時間會再來試下！