九龍粉麵 (已結業)

行完會展肚餓想搵間粉麵野食下，點知落橋後間間鋪都就黎收。九龍粉麵呀姐相當熱情招呼我地，我地係門外確定想食之後就入座。原本我想食麻辣手撕雞撈麵，可惜一早已經賣晒我係為左麻辣野入黎，冇麻辣，腦袋都停頓。呀姐可能見到我迷惘，即刻介紹牛沙瓜比我。我問呀姐咩瓜話？素菜撈麵咁得意？！呀姐指一指醬上介紹，原來牛沙瓜係牛四個胃入面其中一個。因為預備功夫多，好多食店都冇做牛沙瓜。今次我試到真係好開心！因為真係好好食！鹵水味勁入味，而且十分腍！冇內臟既異味，未食過既朋友唔駛擔心！至於我最期待既麻辣汁，香辛味道中上。我先少試牛刀，只點了小辣（即是比少少汁你），辣度夠，過癮。麵就煮耐左較腍冇乜口感，可惜可惜。牛肚泡飯，相比之下牛肚就冇咁入味，飯份量還可以，羅白冇乜味亦都煮得唔耐，湯就較啖。值得一讚係呢個調味架！蔥同辣油任加，最特別係佢地有炸蒜！畫龍點晴！perfect!