尋日同朋友沖住 蟹粉系列 去咗Megabox嘅翡翠江南
本身就鍾意上海菜嘅濃香
四喜烤麩，一咬落去吸晒鹵汁，鬆軟得嚟唔會黐牙
木耳同花生爽脆，甜度同鹹度啱啱好
重點蟹粉生煎包，3隻大大隻，底層煎到金黃香脆
咬開仲有肉汁爆出來！蟹粉香好突出
同肉餡嘅鮮味融埋一齊，外皮唔會太厚
紅燒肉百頁結絕對係上海菜經典！
肥肉部分入口即化，瘦肉又唔會柴
醬汁濃郁得嚟唔會過甜，百頁結吸晒肉汁同醬香
蟹粉豆腐煲，豆腐滑溜溜，蟹粉鋪滿面
湯汁稠稠地，每啖都有蟹香同豆腐嘅軟嫩
爆炒蒜香萵筍絲
萵筍爽脆無渣，大火快炒保留咗清甜
食完油膩嘅蟹粉同紅燒肉，嚟一啖超清爽
黃金蟹粉撈飯！蟹粉分量好足，鋪滿成碗飯
拌勻之後每粒米都裹住蟹油同蟹粉唔會腥
簡直係蟹粉愛好者嘅福音
薑茶湯丸（芝麻）薑茶夠薑味但唔辣喉，暖身又驅寒
湯丸外皮煙韌，芝麻餡滿滿，甜度適中
整體嚟講，今次蟹粉系列真係用料足、味道正，廣東人都接受到嘅上海味
唔會太甜太油。環境舒適，適合同朋友家人聚餐，想試秋冬蟹粉菜式嘅朋友
