影片
更多
2021-09-12
1150 瀏覽
接老公放工，近近地Emax搵食！ 行完一轉揀左呢間越南菜試下🇻🇳2串沙嗲雞肉串配Suntory beer($55)，成個happy hour set 咁～熱辣辣飲杯啤酒refresh 下幾正。雞肉燒得幾juicy唔乾，沙嗲醬幾香好夠辣。唔飲啤酒既可點$48，4串雙拼串燒。為食貓樣樣都想食，點份特式拼盤，4式小食配搭夠全面～ 🥢牙車快雞絲椰菜沙律，味道酸酸地清新開胃🥢札肉加葱點些少魚露食幾惹味🥢米紙蝦卷，檬粉等餡料多到一啖食唔晒， 雖然係拼盤份量都大份🥢炸春卷口感香脆，用生菜包住食🍤炸蝦餅金黄脆身既炸粉，輕咬外層引發幾下脆裂聲，入面係軟滑爽彈既蝦膠，食落仲有鮮蝦味，沾上適量酸辣醬食味道效果更佳！🍲新越火車頭粉大雜錦既湯河粉，配上爽彈牛丸、牛柏葉、通透軟滑牛根、嫩薄牛肉片、脆邊牛腩同白蘿蔔組成。湯頭清澈，飲落有濃厚牛骨味好清甜。粉條掛湯，加埋洋蔥、芽菜一齊食味道口感特別強勁!越南菜一定唔少得香葉，加幾片羅勒葉同青紅椒粒，滴幾下酸酸地既青檸汁，強化一下鮮香程度。🍛炭燒香茅豬扒飯大大塊豬扒切開幾件，啖啖肉之餘咬落冇油淋淋感覺。外層乾爽兼脆脆地，肉香結合陣陣香茅清新氣味，伴埋頂頭少少葱油配一口飯
2串沙嗲雞肉串配Suntory beer($55)，成個happy hour set 咁～熱辣辣飲杯啤酒refresh 下幾正。雞肉燒得幾juicy唔乾，沙嗲醬幾香好夠辣。
唔飲啤酒既可點$48，4串雙拼串燒。
為食貓樣樣都想食，點份特式拼盤，4式小食配搭夠全面～
🥢牙車快雞絲椰菜沙律，味道酸酸地清新開胃🥢札肉加葱點些少魚露食幾惹味
🥢米紙蝦卷，檬粉等餡料多到一啖食唔晒， 雖然係拼盤份量都大份
🥢炸春卷口感香脆，用生菜包住食
🍤炸蝦餅
金黄脆身既炸粉，輕咬外層引發幾下脆裂聲，入面係軟滑爽彈既蝦膠，食落仲有鮮蝦味，沾上適量酸辣醬食味道效果更佳！
🍲新越火車頭粉
大雜錦既湯河粉，配上爽彈牛丸、牛柏葉、通透軟滑牛根、嫩薄牛肉片、脆邊牛腩同白蘿蔔組成。湯頭清澈，飲落有濃厚牛骨味好清甜。
粉條掛湯，加埋洋蔥、芽菜一齊食味道口感特別強勁!越南菜一定唔少得香葉，加幾片羅勒葉同青紅椒粒，滴幾下酸酸地既青檸汁，強化一下鮮香程度。
🍛炭燒香茅豬扒飯
大大塊豬扒切開幾件，啖啖肉之餘咬落冇油淋淋感覺。外層乾爽兼脆脆地，肉香結合陣陣香茅清新氣味，伴埋頂頭少少葱油配一口飯食，滋味滿分。
🧋凍越式咖啡
滴滴咖啡壺，冰杯 分開上夠細心，香濃細緻少少煉奶已經好味!
張貼
