Su Casa (已結業)

餐廳有兩邊，一邊係普通進食區，一邊有好多嘢玩，好似play corner咁。假日如果一家大細帶小朋友嚟都幾適合。呢度環境幾好，靜靜哋食個午餐又係唔錯。午餐價錢都幾抵食，配以餐湯指定飲品。▶️炭烤加拿大無骨豬扒配燒汁$108揀咗配薯條，薯條係粗身。薯條即炸夠熱又脆。無骨豬扒啖啖肉，而且肉質軟腍味道唔錯，如果覺得清淡可以點燒汁。餐飲加購咗熱榛子咖啡☕️+$12榛子咖啡味道啱啱好，而且仲有心心拉花。▶️咖喱薯仔牛肉飯$70是日餐湯係粟米忌廉湯，粟米粒粒夠足料。每個餐都送湯，我哋揀咗一個，因為怕飲唔晒。咖喱味道夠香辣，撈飯唔錯。熱檸蜜+$8夠晒滋潤。