影片
更多
2008-11-28
19 瀏覽
估唔到係Megabox都有收穫, 行過Spotlight 見到Hello Kitty 大攬枕大減價, 老公見我鍾意就買咗一個俾我, 一齊帶佢返屋企 由於無揸車, 拎住個大攬枕行街唔方便, 我們決定提早食晚飯, 食完就早啲返屋企其實都唔肚餓, 都唔知叫咩好? 老公見自選兩款鐵板餐有9種醬汁選擇之多, 真係覺得好新奇, 佢選擇了雞扒同豬柳配粟米白汁, 我點了芝士石班焗長通粉餐湯: 羅宋湯正常味道, 老公話南瓜湯好有南瓜味, 兩款餐湯可接受啦餐包: 有兩款餐包, 好軟好暖, 兩款都好好味, 食完啲餐包我已經好飽, 差啲唔想食主菜雞扒拼豬柳鐵板配粟米白汁: 老公話味道一般, 不過用料同質素都好過一般茶餐廳, 而且有專人侍應會幫食客倒鐵板醬汁, 服務真係幾好芝士石班焗長通粉: 芝士醬汁都幾難食, 長通粉煮耐咗, 是腍的, 石班焗得好乾, 整體係幾唔好味, 我食幾啖就食唔到落去, 連老公都接受唔到金加利的芝士醬汁, 結果好浪費咁放棄咗差不多整碟, 真係好後悔叫咗呢樣呀 餐飲: 凍檸茶正常, 我加$5轉鹹檸7喜, 不過鹹檸得半個, 唔係好夠味最後仲有甜品, 我們選擇了啫喱, 好細杯, 不過整個套餐都
由於無揸車, 拎住個大攬枕行街唔方便, 我們決定提早食晚飯, 食完就早啲返屋企
其實都唔肚餓, 都唔知叫咩好? 老公見自選兩款鐵板餐有9種醬汁選擇之多, 真係覺得好新奇, 佢選擇了雞扒同豬柳配粟米白汁, 我點了芝士石班焗長通粉
餐湯: 羅宋湯正常味道, 老公話南瓜湯好有南瓜味, 兩款餐湯可接受啦
餐包: 有兩款餐包, 好軟好暖, 兩款都好好味, 食完啲餐包我已經好飽, 差啲唔想食主菜
雞扒拼豬柳鐵板配粟米白汁: 老公話味道一般, 不過用料同質素都好過一般茶餐廳, 而且有專人侍應會幫食客倒鐵板醬汁, 服務真係幾好
芝士石班焗長通粉: 芝士醬汁都幾難食, 長通粉煮耐咗, 是腍的, 石班焗得好乾, 整體係幾唔好味, 我食幾啖就食唔到落去, 連老公都接受唔到金加利的芝士醬汁, 結果好浪費咁放棄咗差不多整碟, 真係好後悔叫咗呢樣呀
餐飲: 凍檸茶正常, 我加$5轉鹹檸7喜, 不過鹹檸得半個, 唔係好夠味
最後仲有甜品, 我們選擇了啫喱, 好細杯, 不過整個套餐都已經好豐富了
老公話覺得好奇怪, 通常老牌餐廳都係食物味道好高分, 但服務質素好低分, 而金加利就剛好相反, 雖然主菜食物味道唔好味, 但幾位侍應服務都好周到, 所以整體感覺唔太差, 但會唔會再幫襯就真係好難講, 我住得咁遠
張貼
