爆丼屋 (已搬遷) 新店位置

喺MegaBox行街行到夜晚搵嘢食先發現原來九龍灣都有爆丼屋之前一路都係去旺角嗰間以後又多個選擇了😎.《四重火山盛丼》🌋由吞拿魚蓉堆砌成得活火山 又高又滿旁邊仲有大大粒三文魚籽 爆汁可口一絲絲蟹肉🦀真材實料 好鮮味最最最正係一排海膽 艷麗既橙黃色係加拿大新鮮海膽 鮮甜甘香真係每啖都可以撈唔同配料食 唔會剩返晒啲飯.《三重大極上丼》同樣用上加拿大海膽 真鮮甜不過呢款就用上非常肥美 入口即溶既拖羅都未咬 魚油香已經喺口腔裏面迴盪連啲飯都見到有魚油連埋海膽一齊食 更加正外圍仲有一圈蟹肉建議大家唔使落豉油 先食得出材料本身嘅鮮美.《波子汽水》🫧🍾唔知點解次次嚟到食日本嘢嘅地方飲可樂都唔夠gur 硬係要飲返樽童年回憶嘅波子汽水先開心有原味同菠蘿味 最重要係飲完拎返粒波子先過癮