影片
更多
2008-04-04
17 瀏覽
好耐無同屋企人食西餐(對上一次已經係2007 年New Year's Eve 的Morton's 大餐!), 0係九龍城真係有d 難度, 見未試過呢間, 加上阿爸阿媽食過後話唔太差, 今日一行4 人晚飯0黎試試, 一人叫了個set dinner, 而我揀的當然係呢度的「招牌」-- 羊鞍set dinner, 有餐湯配蒜蓉包, 燒羊鞍, 同餐飲熱咖啡.先0黎蒜蓉包, 烘得幾鬆脆, 不過蒜蓉牛油落得好少, 我覺得我自己用Ceres 法包0係屋企整的好食好多-_-" 餐湯揀了紅蘿蔔忌廉湯(亦可選雜菜湯), 飲了幾啖就放棄了, 除0左因為無紅蘿蔔味同幾杰之外, 味道亦好鹹, 加上飲落感覺「粉多過乜」, 唯有放棄.主角燒羊鞍原本係配「珊瑚麵」(ie 脆麵餅) 的, 但因為實在幾討厭脆公仔麵餅, 要求了「走麵」, 所以薯菜多了, 賣相亦無原本的咁浮誇... 要求5 成熟的羊鞍當然唔止5 成熟, 不過切開發覺中間仍然帶少少酒紅色, 都收貨啦. 層皮燒得少少脆口, d fat 味道亦ok; 羊肉食落幾腍, 一般嫩, 羊味都有d, 肉汁就無乜, 唯有蘸多d 汁及mint jelly 幫補一下; 反而
先0黎蒜蓉包, 烘得幾鬆脆, 不過蒜蓉牛油落得好少, 我覺得我自己用Ceres 法包0係屋企整的好食好多-_-" 餐湯揀了紅蘿蔔忌廉湯(亦可選雜菜湯), 飲了幾啖就放棄了, 除0左因為無紅蘿蔔味同幾杰之外, 味道亦好鹹, 加上飲落感覺「粉多過乜」, 唯有放棄.
主角燒羊鞍原本係配「珊瑚麵」(ie 脆麵餅) 的, 但因為實在幾討厭脆公仔麵餅, 要求了「走麵」, 所以薯菜多了, 賣相亦無原本的咁浮誇... 要求5 成熟的羊鞍當然唔止5 成熟, 不過切開發覺中間仍然帶少少酒紅色, 都收貨啦. 層皮燒得少少脆口, d fat 味道亦ok; 羊肉食落幾腍, 一般嫩, 羊味都有d, 肉汁就無乜, 唯有蘸多d 汁及mint jelly 幫補一下; 反而roasted 粒粒薯仔唔錯, 幾香幾脆口, 薯味濃, 幾好食! 雜菜就好難食, 腍bad bad 溶溶爛爛的, 唯有又放棄.
試了少少阿爸的海鮮天使麵, 煮得一般al dente, 加上d (白)汁唔係咁夠, 賣相同食味都乾曾曾. 阿爸仲話覺得似米粉(!) 多過天使麵-_-!
阿媽的雜扒set dinner 賣相唔錯, 不過我無試到.
見主菜麻麻0地, 又散叫了個creme brulee 試試. 賣相幾騎呢, 唔知點解有一堆shredded chocolate 0係焦糖上面, 食了少少覺得好難食, 唯有「畢」走佢0地... 焦糖面層的中間部分原來燒(火農)了, 食落成陣(火羅)味, 唔怪得要用d 朱古力遮遮掩掩啦-_- 好在下面的custard 幾滑又唔太甜, 不過我覺得似cream 多過custard pudding, 咁杰身0既? -_-"
餐飲熱咖啡則比想像中好, 雖然唔滑, 不過幾香濃, 意料之外.
環境迫夾又好嘈, 不過呢度係100% 港式西餐廳, 算啦; 招呼反而幾好, 店員們有求必應又好有禮貌.
埋單約$70 一個頭... 雖然阿爸話齋,「茶餐廳質素」, 不過西餐dinner 0黎講係好平, 都唔苛求d 乜了, 還掂都係試過就算的! 不過d 薯仔真係唔錯, on balance 俾個ok 面佢啦.
張貼
