✨招牌檸檬燒牛肉🐂
呢座牛肉山真係驚艷咗我哋，份量多之餘，亦都好惹味，微微地嘅辣點綴咗檸檬汁，牛肉質地發得又大又鬆軟，雖然牛肉味唔重，但以呢個價錢嚟講，我絕對可以接受，真係做爛市，十分推介👍🏻
鐵板蠔仔炒蛋🦪
呢碟相當有gimmick，大大粒蠔仔，豐富嘅蛋漿，配有爽口粗壯大豆芽，非常有口感，我自己幾鍾意嘅。但就嫌佢假扮份量多，蠔仔落咗好重粉，食到底有好多煮熟咗凝固嘅粉團。
木瓜沙律
$59 激量木瓜山😂真係買少見少，小辣偏重口味，唔係行清甜路線，但切得夠幼夠爽口，面頭嘅蕃茄仔都好新鮮好清甜。
薄餅
味道好差，可以唔嗌，差過喺超市買冰櫃入邊嗰啲😗下次我會試吓蒜蓉包🍞
海鮮🦞冬蔭功湯（小）
完全地係水溝冬蔭功味精，配冰鮮海鮮，唔OK。
椰青水🥥
幾新鮮，椰肉都好容易刮到出嚟👍🏻
全晚其實食得幾開心，喺九龍城叫咗咁多樣餸都係$400幾蚊，值得推介😎
