首先前菜嘅沙律同茶碗蒸已經唔馬虎～沙律菜新鮮爽脆，茶碗蒸滑溜到不得了，入面仲有粒粒白果同雞肉，暖笠笠打開胃口！
主角鐵板燒登場！師傅係我哋面前即場表演，睇住佢將塊和牛燒到滋滋聲，已經流晒口水～澳洲和牛牛柳煎到五成熟，外層微脆，切開見到粉嫩肉色，入口即化，牛味濃得嚟唔會膩，正到一個點！
海鮮部分一樣出色～虎蝦大大隻，蝦肉爽彈鮮甜；帶子煎到金黃色，外脆內軟，仲保持到滿滿肉汁！最驚喜係銀鱈魚，魚皮香脆，魚肉嫩滑到好似豆腐咁，加上師傅特調嘅西京燒醬，甜甜哋超夾！
最後炒飯先係精髓！用返之前嘅牛油同肉汁去炒，飯粒乾身分明，仲有大量蔬菜同雞蛋，香氣撲鼻～食到尾聲仲有麵豉湯同甜品，完美收官！
師傅手勢好之餘又健談，成個用餐過程好愉快。以呢個價錢食到咁豐富嘅鐵板燒，真係搵唔到第二間！
