山野日本料理 (已結業)

呀dee成日都去九龍城飲飲食食，對於個到飲食發展都略知一二，地鐵站就起好，愈來愈多高級西餐日本野進駐，已經冇咩叫西冷牛扒，牛扒都係前面搭個和字或者a加個號碼;豬扒就前面加幾個月豬扒。九龍城放題我記得有過三間，一間好早期係投注站隔黎、一間就公和附近(好多學生哥去食)同呢間，前2者好似都摺摺地，呢間以前就細細粒做代言，開幕搵左好多名人黎食。最近就改埋名，咁呀dee梗係去食下。格局同以前差唔多，睇價錢都真係唔貴，算中下價，分左幾個時段，但係價錢一件事，好唔好食又另一回事。坐底就梗係睇下有咩飲品，例牌既都有:汽水無糖茶紙包咁，但是有三樣酒精飲品係dum平，有清酒任飲(清酒任飲放題要二百尾，呢到都飲到，同埋入口都幾純)，女孩子最愛水果酒(呢到就blueberry味，平時蘋果多，個味0酒精好易入口)，仲有呢個紅罐青島(青島飲開綠罐多，又飲過副線嶗山，第一次飲紅罐，我覺得淡d) ，所以飲酒朋友一定要黎試下。刺身唔好期望個盤又冰又火咁，但係都擺得好靚，食刺身上枱個刻幾靚都冇用，因為好唔好食先係王道。睇得出好新鮮，因為有個位睇住佢即叫即切。帶子同三文魚都值得食，帶子唔會細細粒，同埋好鮮甜;三文魚就夠大件