漁吉海鮮丼專門店 (已搬遷) 新店位置

九龍城多泰國菜就係人都知，最近嗰度亦開咗一間近年大熱的丼飯店。食丼飯的好處就係可以簡簡單單地一次過嚐盡想食的刺身海鮮。呢間小店睇落好簡單，但都算企理。食物選擇都係以丼飯為主，配少量小食同飲品。而麵豉湯係以自助形式任飲。我一坐低就比牆上的龍王丸吸引左，原隻龍蝦做丼飯，真係唔係度度食到架！上枱果然冇令我地失望，龍蝦好大隻，絕不欺場！預先起好的龍蝦肉輕輕煎香過，新鮮又彈牙。除咗龍蝦之外，呢款丼飯亦有唔少珍貴的配料，例如帆立貝等。整體而言係非常豐富，足夠兩人食。除咗丼飯，我哋亦點左幾款小食。牛舌夠厚身。蒸蛋好滑溜。豆腐清涼開胃，櫻花蝦係綿上添花。呢個就淡左少少。最欣賞個雞翼，脆得黎夠嫩滑，調味亦好足。市區不斷變化，九龍城舊區都開始變天，唔係唯泰菜獨尊。