鎔記潮州飯店

呢間位於城南道嘅潮州菜館我同朋友都經常過嚟幫襯，佢嘅打冷菜式同鑊氣小炒都一樣咁出色，而且價錢又唔貴，仲可以一邊享受美食一邊飲啤酒傾下計，真係幾爽㗎！

辣酒煮花螺香辣惹味，酒香撲鼻，夠晒滋味。

涼瓜炆䱽魚大大碟，䱽魚香脆可口，肉質鮮味，涼瓜炒得甘味翠綠。

酸甜咕嚕肉啖啖肉，酸甜度適中好醒胃，有我最鍾意嘅菠蘿，洋蔥及青椒炒得好香，鑊氣十足。

春菜腩肉係潮汕人嘅家鄉菜，春菜生炒至軟身，味道好清甜，腩肉肥瘦度適中，值得一試。