影片
更多
2017-02-21
243 瀏覽
眾所周知九龍城美食雲集，次次來都要係咁多食肆選擇一間頭都痛埋，今次朋友就提議試依間牛石料理～餐牌好多選擇，有海鮮 刺身 牛肉 燒物 貝燒 揚物。燒物係放係一塊麥飯石上面燒，麥飯石係火山岩嘅一種，無毒無害仲係藥用岩石，有豐富嘅礦物質。食餐飯都學到好多野～檯面有黑椒同鹽比你自己加落肉到。牛石精選盛合 $388有日本佐賀和牛 澳洲霜降和牛 極上牛舌 牛小排 牛肉粒 鹿兒島健康咲雞 熊本白豚西冷，仲有熊本白豚腩。平均每款有2舊，一睇就知二人份量！日本佐賀和牛牛肉油脂分佈好平均，肉味比較淡。澳洲霜降和牛牛肉比較薄，相對來講有啲油，但一咬就有肉油流出，加埋黑椒味道一流！極上牛舌厚厚一舊，有小小爽口而且好重牛味，唔錯。牛小排燒到7成熟，入口肉味好濃但唔會油膩。牛肉粒四四方方，切到大細岩岩好燒起身好方便。燒到外面燶燶地入面岩岩好熟，同海鹽好夾，燒得半熟好好味。鹿兒島健康咲雞係用杯上，燒嘅時候要好小心，因為容易痴實塊石。食落有意外驚喜，佢啲肉好嫩，就算出面金黃色就燶就燶咁，入面都仲好嫩！熊本白豚西冷啲油多到可以炒菜，係麥飯石上面燒到跳下跳下。食落口較牛肉清，比較爽口油脂重。熊本白豚腩腩肉去骨切片上，燒嘅
餐牌好多選擇，有海鮮 刺身 牛肉 燒物 貝燒 揚物。
燒物係放係一塊麥飯石上面燒，麥飯石係火山岩嘅一種，無毒無害仲係藥用岩石，有豐富嘅礦物質。食餐飯都學到好多野～檯面有黑椒同鹽比你自己加落肉到。
牛石精選盛合 $388有日本佐賀和牛 澳洲霜降和牛 極上牛舌 牛小排 牛肉粒 鹿兒島健康咲雞 熊本白豚西冷，仲有熊本白豚腩。平均每款有2舊，一睇就知二人份量！
日本佐賀和牛牛肉油脂分佈好平均，肉味比較淡。
澳洲霜降和牛牛肉比較薄，相對來講有啲油，但一咬就有肉油流出，加埋黑椒味道一流！
極上牛舌厚厚一舊，有小小爽口而且好重牛味，唔錯。牛小排燒到7成熟，入口肉味好濃但唔會油膩。牛肉粒四四方方，切到大細岩岩好燒起身好方便。
燒到外面燶燶地入面岩岩好熟，同海鹽好夾，燒得半熟好好味。鹿兒島健康咲雞係用杯上，燒嘅時候要好小心，因為容易痴實塊石。食落有意外驚喜，佢啲肉好嫩，就算出面金黃色就燶就燶咁，入面都仲好嫩！熊本白豚西冷啲油多到可以炒菜，係麥飯石上面燒到跳下跳下。食落口較牛肉清，比較爽口油脂重。熊本白豚腩腩肉去骨切片上，燒嘅時候無西冷咁多油。加埋海鹽同黑椒，食落硬硬地鹹鹹地。
蟹肉蒸蛋 $42
外表平平無奇，實際內有乾坤！蒸蛋油滑滑好似bb仔塊臉咁，濃郁嘅蛋味，有小小蟹味，食到一半會見到有蟹肉絲。十級推薦！
茶泡飯- 三文魚 $42三文魚碎加上小小硬嘅飯，入口鹹鹹地，茶入面有芝麻粒，增加左飯嘅咬口。有茶香，估唔到個配搭幾唔錯，又有創意，比想像中好味得多！
張貼
